ظهر الناشط العلوي أيمن فارس في مقطع فيديو جديد عبر صفحته في فيسبوك، مؤكداً عدم تراجعه عن تحدّي إمبراطور المخدرات بشار الأسد، ولكن هذه المرة من العاصمة دمشق، بعد أن تحداه من طرطوس أن يأتي بنفسه إليه على خلفية إرسال دورية أمنية لاعتقاله من منطقة بانياس التي ينحدر منها.
تحدي من دمشق
وقال فارس: "بفضل بشار الأسد ومرتو (زوجته) تحوّلت من إنسان بحالو وبيعتبر نفسو إنسان صالح إلى مجرم ملاحق من الأفرع الأمنية التي لا تعدّ ولا تحصى، لأن سوريا كلها عبارة عن أفرع أمنية".
وأضاف: "لما تحدّيت بشار الأسد كنت عم اتحدى النظام كامل تبعو وهوي على رأسو.. وطبعاً يلي عم يدير الدفة كلها والأجهزة الأمنية مرتو (أسماء الأسد)".
وفي تحدٍ جديد لبشار الأسد، قال فارس: "هاي أنا بالعاصمة (دمشق) عندك وعم اتجول بالشوارع لتعرف إنو رؤساء الأفرع دايرين بس على المال بموافقتك وعلمك.. وصارت هلأ مرتك هيي يلي عم توجهّن يجيبوا المال ويرفعوا الضرائب".
وأكد فارس: "عندما تحدّيت بشار كنت في الساحل لأني ابن الساحل وعم شوف شو عم يصير فيه.. وهاد ما بيعني أني ضد المناطق التانية.. أنا مع الشعب السوري كلو.. بحايتي ما تطرفت على أي منطقة ويلي بدو يرجع على صفحتي يتأكد".
اعتقال وتصفية
وخاطب فارس بشار الأسد: "بهنيك أنك قدرت تحول مواطن عادي لمجرم مطارد مشيراً بسخرية إلى أن ملايين الأفرع الأمنية والمتعاونين معها عم يدورو عليه".
وتابع: "أنت بتقول إنك انتصرت على 85 دولة بالعالم.."، لافتاً إلى أن "رئيس فرنسا بيضربه مواطن بالبيض ما بيحكو معو شي.. هون عم تعتقل فلان وعلان، مبارح بجبلة اعتقلت واحد مسكين بيحكي عن الوضع المعيشي لأنو تعبان.. اعتقلتوه وطبعاً بروح ع التصفية"، في إشارة إلى الناشط العلوي أحمد إبراهيم إسماعيل.
عتب على الأمم المتحدة
واستطرد فارس مخاطباً بشار الأسد: "عتبي مو عليك.. عتبي أكتر على الأمم المتحدة كيف بتسمح يكون في مقعد لسوريا بجمعية حقوق الإنسان.. يجوا يشوفوا حقوق الإنسان بالسجون والأفرع الأمنية والأقبية تحت الأرض.. يشوفوا سجن صيدنايا، يشوفوا الناس يلي عم تموت بشكل يومي..".
وختم فارس الفيديو بتأكيده أنه مستمر بتحدي بشار الأسد، وهذه المرة من دمشق، إذ قال "أنا تحديتك وماني متراجع التحدي".
بلّط البحر
وكان أيمن فارس قد وجّه كلامه في فيديو نشره على صفحته في فيسبوك قبل يومين لبشار الأسد، بعد محاولة اعتقاله في طرطوس قائلاً: "إذا إنت زلمي تعال ولا تبعت كلابك.. وإذا قدرت أنت وكلابك تاخدوني ما تقصّر.. بعدين بدل ما تجي تتمرجل على واحد يكتب كلام عادي روح تمرجل على إسرائيل يلي (تقصفك) كل يوم".
وأضاف: "بلّط البحر..خلي كل شي أجهزة أمنيّة عندك يلي مهمتها حماية الكرسي الهش تبعك، إذا بتقدر تاخدني وأنا عايش ما تقصّر".
اعتقال ناشط من جبلة
وكانت أجهزة ميليشيا أسد الأمنية قد اعتقلت الناشط أحمد إسماعيل بعد استدراجه إلى مكان عمله، بحسب ما كشفت ابنته، التي أكدت أن مصير والدها ما يزال مجهولاً، وأن اعتقاله جاء بعد محاولات فاشلة من قبل النظام لإسكاته وإيقافه عن انتقاد الأوضاع بمناطق أسد.
وتشهد مناطق سيطرة ميليشيا أسد حالة من الغليان الشعبي وخاصة في الساحل السوري، بسبب تردي الأوضاع المعيشية، وسط دعوات من قبل حركات شعبية تنشط داخل تلك المناطق لتنفيذ عصيان مدني وإضراب عام والخروج بمظاهرات سلمية ضد النظام.
التعليقات (14)